BAGANIHAN SANG SAHING MAMUMUGON SA KAMPO, KAAWAY SANG SAHING HASYENDERO KAPITALISTA!
Pasidungog sang sahing Mamumugon sa Kampo sa ila Baganihan: KAUPOD POPOY!
Ginsulat sa Hiligaynon ni Kaupod Seling
January 24, 2009
Pebrero 6, 2001, samtang aktibo ang tanan sa pagpatuman sang bag o ng a direksyon sa paghimakas sang Mamumugon sa Industriya sang Kalamay, piket, rally, trouping, isa ka masanag nga palaabuton, isa ka maathag nga direksyon, nakibot ang tanan isa ka makasiligni nga balita ginpatay si kaupod Popoy, nanuhaytuhay nga reaksyon, nalooy, akig, gusto magtimalos! Nagapamangkot sin-o ang sa likod sini? Sin-o si Ka Popoy sa Mamumugon sa Industriya sang kalamay sa masami ginatawag mamumugon sa kampo? Sa matuod indi sya bantog sa mamumugon sa kampo di katulad sang iban nga lider sang unyon, aktibista, lider komunista.nabatian lamang ang ngalan nya sang pagtadlong sang direksyon sa paghimakas sang mamumugon upod na ang sa industriya sa kalamay. Sa malawig nga panahon nga nangin patay-sindi ang ila pagpakig away, madamu nga kabuhi ang ginbuhis, indi sustinido ang pagtay-og sa poder sang AgalonMayduta/ Kapitalista, indi na maisip ang nagkalapukan nga mga lider mamumugon. Ang pamangkot husto bala ang banas nga aton ginausoy? Sang maklaro ini nga palamangkutanon nangin mapagsik liwat ang mga mamumugon sa pagduso sang ila paghimakas. Ang kontribusyon sang kaupod isa ka daku nga igpaw sa kahublagan mamumugon ilabe nasa Mamumugon sa industriya sang Kalamay, natay-og ang mga hasyendero, kapitalista kag estado.
Ang lupok sang pusil matingil sa dalunggan sang ginapigos nga mamumugon nga amo ang nagpukan sa isa ka matuod-tuod nga baganihan sang sahing mamumugon. Ang hambal sang Kapitalista kag Hasyendero wala na ang sagabal sa ila dalan, apang nagsala sila indi ini makaupang nga padayunon ang ginsuguran sang isa ka matuod nga lider, nangin hangkat, isa ka inspirasyon…!
Madamo nga mga kaupdanan abyan, himata ang nagpakig ugyon sang panahon nga gindul ong sa katapusan nga palahuwayan ang napukan ang matuod tuod nga Lider Mamumugon, Ultimo nga ginpabalon sang mga Sahing Mamumugon sa Kampo amo ang ila PURONG sa ulo samtang nagatapas kag nagapas-an sang tubo kag nagasulay sa init kag naga atubang sa Pagpamigos kag Pagpanghimulos sang sahing hasyendero kapitalista nangin taming sa balhas nga nagaagay..TAMING katulad sang ginbilin nga Prinsipyo sang isa ka Kaupod POPOY!!!
Pasidungog sang sahing Mamumugon sa Kampo sa ila Baganihan: KAUPOD POPOY!
Ginsulat sa Hiligaynon ni Kaupod Seling
January 24, 2009
Pebrero 6, 2001, samtang aktibo ang tanan sa pagpatuman sang bag o ng a direksyon sa paghimakas sang Mamumugon sa Industriya sang Kalamay, piket, rally, trouping, isa ka masanag nga palaabuton, isa ka maathag nga direksyon, nakibot ang tanan isa ka makasiligni nga balita ginpatay si kaupod Popoy, nanuhaytuhay nga reaksyon, nalooy, akig, gusto magtimalos! Nagapamangkot sin-o ang sa likod sini? Sin-o si Ka Popoy sa Mamumugon sa Industriya sang kalamay sa masami ginatawag mamumugon sa kampo? Sa matuod indi sya bantog sa mamumugon sa kampo di katulad sang iban nga lider sang unyon, aktibista, lider komunista.nabatian lamang ang ngalan nya sang pagtadlong sang direksyon sa paghimakas sang mamumugon upod na ang sa industriya sa kalamay. Sa malawig nga panahon nga nangin patay-sindi ang ila pagpakig away, madamu nga kabuhi ang ginbuhis, indi sustinido ang pagtay-og sa poder sang AgalonMayduta/ Kapitalista, indi na maisip ang nagkalapukan nga mga lider mamumugon. Ang pamangkot husto bala ang banas nga aton ginausoy? Sang maklaro ini nga palamangkutanon nangin mapagsik liwat ang mga mamumugon sa pagduso sang ila paghimakas. Ang kontribusyon sang kaupod isa ka daku nga igpaw sa kahublagan mamumugon ilabe nasa Mamumugon sa industriya sang Kalamay, natay-og ang mga hasyendero, kapitalista kag estado.
Ang lupok sang pusil matingil sa dalunggan sang ginapigos nga mamumugon nga amo ang nagpukan sa isa ka matuod-tuod nga baganihan sang sahing mamumugon. Ang hambal sang Kapitalista kag Hasyendero wala na ang sagabal sa ila dalan, apang nagsala sila indi ini makaupang nga padayunon ang ginsuguran sang isa ka matuod nga lider, nangin hangkat, isa ka inspirasyon…!
Madamo nga mga kaupdanan abyan, himata ang nagpakig ugyon sang panahon nga gindul ong sa katapusan nga palahuwayan ang napukan ang matuod tuod nga Lider Mamumugon, Ultimo nga ginpabalon sang mga Sahing Mamumugon sa Kampo amo ang ila PURONG sa ulo samtang nagatapas kag nagapas-an sang tubo kag nagasulay sa init kag naga atubang sa Pagpamigos kag Pagpanghimulos sang sahing hasyendero kapitalista nangin taming sa balhas nga nagaagay..TAMING katulad sang ginbilin nga Prinsipyo sang isa ka Kaupod POPOY!!!
Walang komento:
Mag-post ng isang Komento