TULOY ANG LABAN NI KA POPOY
ni Gregorio V. Bituin Jr.
14 pantig bawat taludtod
labing-isang taong singkad na yaong dumaan
ng mapaslang ng kung sino si Ka Popoy Lagman
ngunit hanggang ngayon wala pa ring katarungan
di pa rin nahuhuli yaong may kagagawan
gayunman, tuloy pa rin ang ipinaglalaban
at simulain niyang baguhin ang lipunan
sosyalismo ang landas sa bawat nating hakbang
sosyalismong pangarap para sa sambayanan
sa ilan sa kanyang mga iniwang sulatin
ay ating matutunghayan yaong kanyang bilin
kamalayang makauri'y dapat patagusin
sa sinumang manggagawang ating aabutin
halina't pagkaisahin ang mga obrero
huwag magwatak-watak, maging organisado
ang misyon ni Ka Popoy ay misyon ko't misyon mo
ituloy ang laban ni Ka Popoy hanggang dulo
BMP office
Pebrero 6, 2012
Walang komento:
Mag-post ng isang Komento